પદ્મ ભૂષણ દેશના દિગ્ગજ ઉદ્યોગપતિ રતન નવલ તાતાનું 86 વર્ષની વયે મુંબઈમાં નિધન થયું છે, તેમને મુંબઈની હોસ્પિટલમાં અંતિમ શ્વાસ લીધા હતા.
જાણીતા ઉદ્યોગપતિ, સામાજિક કાર્યકર અને ટાટા સન્સના ભૂતપૂર્વ ચેરમેન રતન ટાટાને મુંબઈની બ્રીચ કેન્ડી હોસ્પિટલના આઈસીયુમાં દાખલ કરવામાં આવ્યા હતા. ન્યૂઝ એજન્સી નું કહેવું હતું કે રતન ટાટાની હાલત છેલ્લા સમયે નાજુક દેખાતી હતી. તેમનું બ્લડપ્રેશર ઘણું ઘટી ગયું હતું. તેમને તાત્કાલિક ICUમાં લઈ જવામાં આવ્યા હતા, જ્યાં જાણીતા કાર્ડિયોલોજિસ્ટ ડૉ. શારુખ અસ્પી ગોલવાલાના નેતૃત્વમાં તબીબી નિષ્ણાતોની ટીમ તેમની સ્થિતિનું નિરીક્ષણ કર્યું હતું.
રતન ટાટાનો જન્મ 28 ડિસેમ્બર 1937ના રોજ મુંબઈ ખાતે થયો હતો. તેઓ ટાટા ગ્રુપના સ્થાપક જમશેદજી ટાટાના પ્રપૌત્ર છે. તેઓ 1990થી 2012 સુધી જૂથના અધ્યક્ષ અને ઓક્ટોબર 2016થી ફેબ્રુઆરી 2017 સુધી વચગાળાના અધ્યક્ષ હતા. રતન ટાટા જૂથના ચેરિટેબલ ટ્રસ્ટના વડા છે.
રતન ટાટાની બિઝનેસ સફર 1962માં શરૂ થઈ જ્યારે તેઓ ટાટા ગ્રુપમાં જોડાયા. તેઓ 1990માં ગ્રૂપના ચેરમેન બન્યા પહેલા વિવિધ હોદ્દા પર હતા અને ધીરે ધીરે બિઝનેસની સીડી ચઢી ગયા. તેમના કાર્યકાળ દરમિયાન, ટાટા જૂથે સ્થાનિક અને વિદેશમાં નોંધપાત્ર વૃદ્ધિ અને વિસ્તરણનો અનુભવ કર્યો. ટાટાની દૂરંદેશી અને વ્યૂહાત્મક વિચારસરણીએ કંપનીને ટેલિકોમ, રિટેલ અને ઓટો જેવા નવા ઉદ્યોગોમાં વિસ્તરણ કરવાની મંજૂરી આપી.
ટાટા શ્રી નું સરકારે સન્માન કર્યું હતું. તે ટાટાની સૌથી નોંધપાત્ર સિદ્ધિઓમાંની એક કહેવાય છે. 2008માં જગુઆર લેન્ડ રોવરનું સંપાદન હતું, જે ટાટા જૂથના ઇતિહાસમાં એક નોંધપાત્ર ક્ષણ હતી. પરોપકાર અને કોર્પોરેટ સામાજિક જવાબદારી પ્રત્યેના તેમના સમર્પણને કારણે તેમને ભારતના બે સર્વોચ્ચ નાગરિક પુરસ્કારો પદ્મ ભૂષણ અને પદ્મ વિભૂષણ સહિતના અસંખ્ય સન્માનો મળ્યા છે.
વર્ષ 2024 સુધીમાં, રતન ટાટાની કુલ સંપત્તિ 1.5 અબજ ડોલર એટલે કે લગભગ રૂ. 12,483 કરોડ હોવાનો અંદાજ છે. રતન ટાટાની કુલ સંપત્તિ 3,800 કરોડ રૂપિયા હતી. તેવું મીડિયા રિપોર્ટ્સ અનુસાર, તે પોતાની કમાણીનો 66 ટકા દાન કરે છે. તે પોતાની આવકનો મોટો હિસ્સો ટાટા ટ્રસ્ટને દાનમાં આપે છે.
ધન્ય છે આવાં શ્રેષ્ઠીઓ ને જેમણે આ દેશમાં જન્મ લીધો. અને લાખો લોકોને રોજગારી અપાવી શક્યા છે. સામાન્ય ટાટા શ્રી ને નત મસ્તકે વંદન કરે છે.
