બિન-સરકારી સંસ્થા (NGO) એ બીજું તમિલનાડુ સ્થિત ખ્રિસ્તી સંગઠન છે જેની FCRA રજીસ્ટ્રેશન 2024 રદ કરવામાં આવ્યું છે.
કેન્દ્રીય ગૃહ મંત્રાલય (MHA) એ એક ખ્રિસ્તી સંગઠન – તમિલનાડુ સોશિયલ સર્વિસ સોસાયટી (TASOSS) ની ફોરેન કોન્ટ્રીબ્યુશન રેગ્યુલેશન એક્ટ (FCRA) રજીસ્ટ્રેશન રદ કર્યું છે.
TASOSS એ તમિલનાડુ કેથોલિક બિશપ્સ કોન્ફરન્સની સત્તાવાર સંસ્થા છે.
MHA ના આદેશ મુજબ, NGO હવે વિદેશી દાન મેળવવા માટે પાત્ર નથી અને “ઉલ્લંઘન” ના કારણે નોંધણી રદ કરવામાં આવી છે.
એનજીઓ “સામાજિક” સંસ્થા તરીકે નોંધાયેલ છે. નોંધાયેલ સંગઠનો સામાજિક, શૈક્ષણિક, ધાર્મિક, આર્થિક અને સાંસ્કૃતિક કાર્યક્રમો માટે વિદેશી યોગદાન મેળવી શકે છે. વિદેશી દાન મેળવવા માટે FCRA નોંધણી ફરજિયાત છે.
MHA એ વર્લ્ડ વિઝન ઇન્ડિયા (WVI) ની FCRA નોંધણી રદ કર્યાના દિવસો બાદ આ રદ કરવામાં આવ્યું છે. તેની પેરેન્ટ બ્રાન્ચ યુ.એસ. સ્થિત વર્લ્ડ વિઝન, 100 થી વધુ દેશોમાં સૌથી મોટા ખ્રિસ્તી સ્વૈચ્છિક જૂથોમાંનું એક છે. WVI ભારતમાં છેલ્લા 70 વર્ષથી કાર્યરત છે.
FCRA દ્વારા, કેન્દ્રીય ગૃહ મંત્રાલય વિદેશી દાનને નિયંત્રિત કરે છે અને ખાતરી કરે છે કે આ દાન દેશની આંતરિક સુરક્ષા માટે ખાતર રૂપ ન બને.
2015 થી, “ઉલ્લંઘન” ના કારણે 16,000 થી વધુ NGOની FCRA નોંધણી રદ કરવામાં આવી છે. 3 ફેબ્રુઆરી સુધીમાં, દેશમાં 17,019 FCRA-રજિસ્ટર્ડ NGO સક્રિય હતા. લગભગ 6,000 NGO નું FCRA 1 જાન્યુઆરી, 2022 થી કામ કરવાનું બંધ થઈ ગયું હતું, કારણ કે MHAએ કાં તો તેમની અરજી રિન્યૂ કરવાનો ઇનકાર કર્યો હતો અથવા NGOએ અરજી કરી ન હતી.
